Семак «Қайраттың» – ЧЛ-ға шығуы туралы: тақым қыстық, бұл тосынсый болды

Санкт-петерборлық «Зениттің» бас бапкері Сергей Семак ASnews.kz сайтына берген сұхбатында алматылық «Қайраттың» еурокубоктардағы өнерінен алған әсерімен бөлісті.

«Қайрат» біз үшін жат клуб емес. Оларға қарсы ойнағанбыз. Мен «Уфада» бапкер болып жұмыс істеген кезден бастап алматылықтарды жақсы білемін. Ресейде ойнаған біраз жігіттер қазір Қазақстанда да өнер көрсетіп жүр.

«Қайраттың» Чемпиондар лигасының жалпы кезеңіне шығуы дейсіз бе? Бұл бәріміз үшін жағымды тосынсый болды. Әрине, ол жаққа жету оңайға соққан жоқ, өйткені негізгі сатыға өту үшін көптеген іріктеу ойындарынан өту керек. Біз қарап, тақымымызды қысып отырдық. Бұл бөтен клуб емес, әрине, біз посткеңестік кеңістіктегі барлық командаларды қадағалаймыз және сөзсіз қолдаймыз», – деді Семак.

Еске салайық, Чемпиондар лигасының жалпы кезеңінің қорытындысы бойынша алматылық «Қайрат» турнирлік кестеде соңғы, 36-шы орынға тұрақтады. Сегіз тур ішінде қазақстандық команда бір рет тең түсіп, жеті рет жеңіліс тапты. Алматылықтардың еншісінде бір ұпай қалды – испаниялық «Вильярреал» да дәл осындай нәтиже көрсетті.