Бельгиялық журналист – «Борат» дауы туралы: жанкүйерлер қазақстандықтарды қорлағысы келген жоқ

HLN басылымының бельгиялық сарапшысы Томас Таке ASnews.kz сайтына берген сұхбатында «Қайрат»–«Брюгге» (1:4) матчынан кейінгі жанкүйерлердің ұсталуына қатысты пікір білдірді.

«Қамауға алу туралы шешім сәл оғаш естіледі: мұндағы мәселе қазақ халқына деген құрметсіздікте емес, фильмнің комедиялық жанрында. «Борат» Бельгияда шынымен танымал, сондықтан жанкүйерлер біреуді қорлағысы келді деп ойламаймын. Дегенмен, мен жергілікті тұрғындарды түсінемін және көрсеткен қонақжайлылығы үшін алғыс айтамын – бұл тамаша сапар болды», – деді Таке.

Астана қаласының әкімшілік сотының қаулысымен «Брюгге» клубының үш жанкүйері ұсақ бұзақылық үшін жауапқа тартылды.

Мас күйде болған бельгиялықтар «Астана Арена» стадионында әйгілі Бораттың бейнесінде – арнайы шомылу киімімен жүрген. Оларды бес тәулік мерзімге әкімшілік қамаққа алу жазасы тағайындалды.

«Борат» – израильдік Саша Барон Коэннің ойдан шығарылған қазақстандық журналист туралы америкалық псевдодеректі комедиясы. Фильм елді жағымсыз қырынан көрсеткендіктен, Қазақстанда қатты наразылық тудырған болатын.

Айта кетейік, бұл ойын «Қайрат» үшін өз алаңындағы соңғы матч болды. Чемпиондар лигасының жалпы кезеңінің соңғы турында Рафаэль Уразбахтиннің командасы «Арсеналмен» кездеседі.