«Қайрат» шабуылшысы – «Брюггеден» жеңілгені жайлы: суық ауа-райы мен жасанды алаң әсер етті

«Қайраттың» бразилиялық шабуылшысы Рикардиньо ASnews.kz сайтына берген сұхбатында «Брюггемен» (1:4) болған матч туралы пікір білдірді.

«Футбол осындай. Кейде жақсы ойнауға мүмкіндік болады, бірақ гол соға алмасаң – өз қақпаңа жібересің. Біз мүмкіндіктерімізді пайдалана алмадық, ал қарсылас өз мүмкіндігін голға айналдырды, – деді Рикардиньо.

Бразилиялық футболшы ойынға ауа-райы мен «Астана Аренадағы» жасанды төсеніштің әсер еткенін де мойындады.

«Иә, суық ауа-райы мен жасанды алаң дайындыққа әсер етеді. Оның үстіне, тіземде жеңіл жарақат болды. Бірақ біз мұндай өзгерістерге тезірек бейімделуіміз керек.

«Арсеналға» қарсы ойын өте ауыр болады. Біз бұл кезеңді талқылай бастадық, толық дайын боламыз деп үміттенемін», – деп түйіндеді Рикардиньо.

Чемпиондар лигасының жетінші тур ойынында бельгиялық клуб 4:1 есебімен жеңіске жетті.

Алматылық «Қайрат» еурокубок маусымындағы соңғы кездесуін 28 қаңтар күні Лондонда «Арсеналға» қарсы өткізеді.