«Брюгге» бапкері – «Қайратпен» болатын ойын жайлы: олардың қалай ойнайтынын білмейміз

«Брюгге» клубының бас бапкері Иван Леко матч алдындағы баспасөз мәслихатында демалыстан енді ғана шыққан «Қайратпен» болатын ойынға дайындықтың ерекшеліктері туралы айтып өтті, деп хабарлайды ASnews.kz.

«Әрине, біз «Қайраттың» жолдастық кездесулерін көрдік, команда жайлы жаңалықтарды бақылап отырдық. Мұндай жағдайда дайындық өзімізден басталады – ойынды жақсартып, сапалы футбол көрсетіп, жеңіске жетуіміз керек. Менталдық тұрғыдан дұрыс бағытта болу өте маңызды.

Иә, қарсыластың ертең не істейтінін нақты білмейміз. Олардың қандай тактикалық жүйеде ойнайтынын, не істей алатынын болжай алмаймыз, – деді Леко.

Чемпиондар лигасының жалпы кезеңіндегі 7-тур ойыны ертең, 20 қаңтарда, «Астана Аренада» өтеді (басталуы – 20:30).

Бұл матч «Қайрат» үшін 2026 жылдағы алғашқы ресми ойын болмақ, себебі Қазақстандағы футбол маусымы әлі басталған жоқ.