Тимур Турлов: «Шахтер» еурододаларға шыққысы келеді

Кәсіпкер, Қарағанды облыстық футбол қауымдастығының президенті және «Шахтер» ФК жаңа иесі Тимур Турлов команданың алдына еурододаларға жолдама алу міндетін қоятынын мәлімдеді, деп хабарлайды ASnews.kz.

«Қарағанды футболын жаңа деңгейге көтеру – мен үшін үлкен мақсат әрі мотивация. Жоспарымызда инфрақұрылымды тұрақты дамыту және мықты іргетас қалау бар, өйткені кез келген жобаның негізі берік, ал мақсаттары ұзақмерзімді болуы тиіс екенін жақсы білеміз. Алдымызда тұрған өршіл міндет – еурододаларға жолдама алу. Бұл мақсатқа жететінімізге сенімдімін. Бізде көптеген жобаны жоғары деңгейде жүзеге асырған мықты команда бар», – деді Турлов.

Айта кетейік, бүгін, 15 желтоқсанда қазақстандық маман Дмитрий Огай «Шахтердің» жаңа бас бапкері ретінде ресми түрде таныстырылды.