«Олимпиакостың» бапкері – «Қайратпен» болатын матч жайлы: қарсыласты зерттеуге уақыт болған жоқ

«Олимпиакос» клубының бас бапкері Хосе Луис Мендилибар «Қайратпен» болатын Чемпиондар лигасының матчы жайлы пікір білдірді, деп хабарлайды ASnews.kz.

«Климат жағдайлары қатты әсер етпейді деп ойлаймын. Алаңда барынша жақсы ойнауға тырысамыз. Техникалық шеберлігімізді көрсетіп, жеңіске жетуді көздейміз. Біз әр матчта тек жеңіс үшін ойнаймыз. Ешқандай қысым жоқ. Бұл матчқа күнделікті өткізіп жүрген ойын сияқты қараймыз.

Мен бұған дейінгі матчтағы ойынымызды қайталағым келмейді. Ондай мақсатымыз жоқ. Чемпиондар лигасының барлық матчында жақсы ойнадық. Енді сол деңгейді сақтап қалу қажет.

Бізде бұл матчқа дайындалуға, «Қайратты» жақсылап зерттеуге уақыт болған жоқ. Мұнда екі күн бұрын ғана келдік. «Қайрат» қазір өздерінің алаңында емес, басқа жерде ойнайды. Сондықтан оларға да қиын болады. Соңғы матчтарда олар ашық ойнап жүр, жақсы шабуылдайды. Бірақ матч басқа алаңда өтетіндіктен, екі командаға да қиын болайын деп тұр» – деді Мендилибар.

Чемпиондар лигасының алтыншы турындағы «Қайрат» пен «Олимпиакос» арасындағы матч 9 желтоқсанда «Астана Арена» стадионынла өтеді.