«Жеңістің» экс-футболшысы «Олимпиакостың» күшін бағалап, Грекия футболының ерекшеліктерін атады

«Жеңістің» бұрынғы жартылай қорғаушысы Василиос Карагунис ASnews.kz сайтына берген сұхбатында «Қайратқа» қарсы ойын алдында «Олимпиакостың» мықты тұстарын айтып, Грекия мен Қазақстан футболындағы басты ерекшеліктерді атап өтті.

«Олимпиакос» – кез-келген уақытта қауіп төндіре алатын мықты ойыншылары мен бапкері бар өте үйлесімді команда. Бұл клуб Грекия чемпионатында жыл сайын топ жарады. Менің ойымша, матч өте қызықты болады. Қазақстан мен Грекия футболының басты айырмашылықтары – тактикалық дайындық, қысым және ойыншылардың сапасы», – деді Карагунис.

«Қайраттың» «Олимпиакосқа» қарсы ойыны 9 желтоқсанда Астанада өтеді.

Грекия клубына қарсы кездесуден кейін алматылық ұжым 20 қаңтарда «Брюггені» қабылдайды және 29 қаңтарда «Арсеналмен» кездесу үшін Лондонға барады. Чемпиондар лигасының жалпы кестесінде «Олимпиакос» екі ұпаймен 33-ші орында, ал «Қайрат» бір ұпаймен 35-ші орында тұр.

30 жастағы Василиос Карагунис 2024 жылғы маусымның екінші жартысын «Жеңісте» өткізді (13 матч). Грекиялық жартылай қорғаушы кейінірек Косоводағы «Фероникели 74» командасына ауысты.

Бұған дейін Карагунис «Қайрат» пен «Олимпиакос» арасындағы кездесу туралы пікірімен бөліскен еді.