«Жеңістің» грекиялық экс-футболшысы: «Олимпиакос» тәжірибелі, бірақ «Қайратты» бағалау керек

«Жеңістің» бұрынғы жартылай қорғаушысы Василиос Карагунис ASnews.kz сайтына берген сұхбатында Чемпиондар лигасындағы «Қайрат» пен «Олимпиакос» арасындағы кездесу туралы пікірімен бөлісті.

«Әрине, айқын фаворитті атау қиын. Бірақ артықшылықтар туралы айтатын болсақ, «Олимпиакостың» еуропалық жарыстарда тәжірибесі мол. Клуб екі жыл бұрын Конференция лигасында топ жарған. Құрамында әртүрлі позицияларда ойнайтын көптеген талантты ойыншылары бар - бұл «Олимпиакос» үшін үлкен артықшылық.

Ал «Қайрат» бұл кездесуге екі маусым қатарынан ел чемпионы және Суперкубоктың жеңімпазы ретінде келеді. Олар ішкі чемпионатта өздерінің мықты екенін дәлелдеді, енді Чемпиондар лигасында бағалауға тұрарлық команда екенін көрсеткісі келеді», – деді Карагунис.

30 жастағы Василиос Карагунис 2024 жылғы маусымның екінші жартысын «Жеңісте» өткізді (13 матч). Грекиялық жартылай қорғаушы кейінірек Косоводағы «Фероникели 74» командасына ауысты.

«Қайрат» пен «Олимпиакос» арасындағы ойын 9 желтоқсан күні Астанада өтеді.

Бұған дейін ОФИ клубының қорғаушысы Илиас Хадзитеодоридис матч туралы пікір білдірген болатын.