Языджидың агенті – «Қайраттың» мүмкіндігі жайлы: «Олимпиакос» суық климатқа үйренбеген

Түркиялық футбол агенті Адем Чебеджи ASnews.kz сайтына берген сұхбатында «Қайраттың» «Олимпиакосты» жеңуге мүмкіндігі бар екенін айтты. Оның клиенті Юсуф Языджи қазір дәл сол грекиялық клубта ойнайды.

«Егер біз шынымен де ұтуды қаласақ және «Олимпиакостың» тактикалық әлсіздіктерін пайдалансақ, жеңіске жетеміз. Сонымен қатар, қазір Астананың климаты суық, ал гректер бұған үйренбеген. Мен қазақ бауырларымызға осы матчта жеңіс тілеймін», – деді Чебеджи.

Чемпиондар лигасының алтыншы турының матчы 9 желтоқсанда «Астана Аренада» өтеді. Ойын Қазақстан уақыты бойынша сағат 20:30-да басталады.

Бұған дейін «Барс» қақпашысы Азамат Жомартов Темірлан Анарбековтің болашағына қатысты пікір білдірген болатын.