Жомартов – Анарбеков жайлы: Темірлан қазірдің өзінде Еуропада ойнауға дайын

Қырғызстандық «Барс» клубының қақпашысы Азамат Жомартов ASnews.kz сайтына берген сұхбатында «Қайрат» қақпашысы Темірлан Анарбековтың болашағына баға берді.

– Жерлесіңіз Темірлан Анарбеков 2025 жылы үлкен жетістікке жетті. «Селтикке» қарсы пенальти сериясын көргенде қандай сезімде болдыңыз?

– Мақтаныш сезімі. Темірлан – өте қарапайым жігіт, онымен бірге өз рахатымызға ойнай аламыз. Сондықтан жағдайдың осылай өрбігені жақсы болды. Оны өзімнің кішкентай інім сияқты көремін және ол үшін қатты қуаныштымын.

– Анарбековтың прогрессін қалай бағалар едіңіз? Көбісі оның Еуропаға кетуге дайын екенін айтуда.

– Ол дәл қазіргі сәтте еуропалық клубтардың бірін 100%-ға күшейте алады. Біз Темірланды үнемі қолдаймыз және бұл оның қолынан келеді деп үміттенемін.

30 жастағы Жомартов жақында ғана мансабындағы алғашқы кубогын жеңіп алды: Қаракөлдің «Барс» командасы Қырғызстан чемпионы атанды.

Темірлан Анарбеков пен Азамат Жомартов – Атырау тумасы және осы жақтағы қақпашылар мектебінің өкілдері. 2025 жылы Анарбеков «Қайрат» сапында үлкен ерлігімен көзге түсті, ЧЛ-ның плей-офф раундында «Селтикке» қарсы пенальти сериясында қаһарман атанып, кейін Қазақстан құрамасы сапында дебют жасады.