А сериясының комментаторы: «Интер» қосалқы құрамымен-ақ «Қайратты» ұтады

DAZN комментаторы және Marca журналисі Хосе Родригес ASnews.kz сайтына берген сұхбатында Чемпиондар Лигасының төртінші турындағы «Интер» мен «Қайрат» арасындағы кездесуге қатысты өз болжамымен бөлісті.

«Менің ойымша, «Интер» ротация жасайды – олар «Верона» мен «Қайратқа» қарсы ойын уақытын бөліп, «Лациоға» қарсы ең мықты құрамын шығарады. Киву жалпы кезеңде мүмкіндігінше көп гол соғу керектігін түсінеді, бірақ команда тарихтағы ең ірі жеңісін тіркейтіндей жағдайда емес. Есеп италиялықтардың пайдасына 4:0 немесе 5:0 болады деп күтемін», – деді Родригес.

Кристиан Кивудың командасы 5 қарашада «Джузеппе Меацца» стадионында алматылықтарды қабылдайды. Миландықтар Чемпиондар лигасының турнирлік кестесінде үшінші орында келе жатыр.

«Қайратпен» кездесуден үш күн бұрын «Интер» А сериясында «Веронамен» кездеседі, олар чемпионатта «Наполи» мен «Ромадан» кейін үшінші орында тұр. Клубтың құрамы 693,8 миллион еуроға бағаланған, бұл «Қайраттан» 55 есеге көп.