Пшемыслав Трытко: «Қайрат» қазақстандық футболшылардың мықты екенін көрсетті

«Атырау» және Польша жастар құрамасының бұрынғы шабуылшысы Пшемыслав Трытко ASnews.kz сайтына берген сұхбатында Қазақстан футболының дамуы туралы пікірімен бөлісті.

«Әрине, «Қайраттың» Чемпиондар лигасына шыққаннан кейін Қазақстандағы футбол әрі қарай дами береді деп үміттенемін. Польшада жүргенде мен әрдайым қазақстандық ойыншылардың жақсы екенін айтамын және олар үшін тілектеспін.

Мысалы, Қалмұрза команданың үшінші қақпашысы болды, небәрі 18 жаста, бірақ ол «Реал Мадридпен» болған ойынға қатысты. Кейде бәрі өте тез болып жатады. Сәтпаев бүкіл Еуропаға танымал – мен оның «Челсиге» ауысатынын білемін. Бұл оған серпін береді деп үміттенемін.

Менің ойымша, Қазақстан футболына уақыт пен тұрақтылық керек. Қазақстандық ойыншылар Еуропаға аттануы керек. Бізде 10-15 жыл бұрын осындай жағдай болды. Қазақ футболшыларының нашар емес екенін өз көзіммен көрдім; олар тек Еуропада ойнауы қажет. Қазақстанда қалмай керек, бәрін өз көздерімен көруі тиіс. Бұл басқа әлем емес – олар Испания, Италия және Англия клубтарына қарсы ойнай алады, ал бұл футболдың дамуына көмектеседі.

«Қайраттың» матчтарын көріп жүрмін; олардың ойынын көру маған ұнайды. Бұл Қазақстан чемпионаты мен ұлттық құрама үшін үлкен қадам болады деп сенемін», – деді Трытко.

Пшемыслав Трытко 2016 жылы «Атырау» сапында ойнады және бұған дейін Польша мен Германия чемпионаттарында доп тепкен. 2010/11 жылғы маусымда «Ягеллонияда» Михал Пробеждің қол астында ойнады. Бұған дейін ҚФФ 2023 жылдың қыркүйегінен 2025 жылдың маусымына дейін Польша құрамасын жаттықтырған 53 жастағы бапкердің кандидатурасын қарастырып жатқаны хабарланған болатын.