Испаниялық агент – Анарбеков туралы: Мен оны Түркия суперлигасынан көремін

Испаниялық агент Алехандро Парра ASnews.kz тілшісіне берген сұхбатында «Қайрат» қақпашысы Темірлан Анарбековтың болашағына баға берді.

«Темірлан мен үшін үлкен жаңалық болды. Мойындаймын, бұған дейін Анарбековтың ойынын көрген емеспін, бірақ оның соңғы кездері жасаған ерлігі ерекше болды – ол «Қайраттың» негізгі қақпашысына айналды. Енді ұлттық құрамадан да ойып тұрып орын алуын тілеймін. Оның реакциясы керемет және қарсыласпен бірге-бір қалғанда жақсы ойнайды.

Темірланның алысқа шабуы өзінің күш-жігері мен ынтасына байланысты. Түркия суперлигасына бару ол үшін қызық нұсқа сияқты: соңғы уақытта ол жақтан мықты қақпашылар шығып жатыр. Анарбеков маған өткен жазда «Лилльмен» келісімшартқа отырған Берке Озерді еске түсіреді», – деді Парра.

22 жастағы Атырау тумасы Чемпиондар лигасының үшінші турында «Пафоспен» болған ойында (0:0) қақпасына гол жібермей, бес сейв жасады.

Биыл Анарбеков ұлттық құрама сапындағы дебютін Уэльске қарсы матчта (0:1) жасады.