Уразбахтин – «Пафоспен» тең ойнағаны жайлы: жеңістер әлі бола жатар, алға қарай жылжимыз

Алматылық «Қайраттың» бас бапкері Рафаэль Уразбахтин ASnews.kz тілшісіне берген сұхбатында Чемпиондар лигасының үшінші турында кипрлік «Пафосқа» қарсы (0:0) өткен ойынды қорытындылады.

«Пафос» өте сауатты және мықты қарсылас екенін, он адаммен ойнай алатынын тағы бір рет көрсетіп берді. Олар «Олимпиакосқа» қарсы біраз уақыт он адаммен ойнаған еді, ал бүгін матч бойы он ойыншымен жүрді. Тіпті аз болса да, біздің қақпамыздың маңында қауіпті сәттер туындатты. Белгілі бір дәрежеде біздің жолымыз болды – бұл үшін үлкен еңбек сіңірген Темірлан Анарбековке үлкен рахмет», – деді бапкер.

Уразбахтин мырза командасының осы артықшылықты пайдалана алмағанына ашулы:

«Әрине, артықшылықты пайдалана алмағанымыз үшін көңіл-күйіміз түсіп кетті. Демек, солай болуы тиіс еді. Біртіндеп алға жылжи береміз – жеңістер алдағы уақытта бола жатар. Мен жігіттерге жанкештілігі, ойынға деген құлшынысы мен көзқарастары үшін алғыс айтқым келеді».

Жаттықтырушы қиын жағдайда команданы қолдаған жанкүйерлерге де алғысын білдірді:

«Біздің жанкүйерлерімізге ерекше алғыс айтамыз. Билет сату төңірегіндегі барлық әңгіме мен қиындықтарға қарамастан, олардың келіп, бізді қолдағанын көру өте жақсы әсер қалдырды. Өкінішке орай, біз оларға жеңіс сыйлай алмадық, бірақ болашаққа оптимизммен қараймыз, ең жақсысы әлі алда деген үмітіміз бар».

«Қайрат» Чемпиондар лигасының үшінші турында кипрлік «Пафоспен» тең түсті. Төртінші минутта Жоау Коррея алаңнан қуылғаннан кейін алматылықтар артықшылыққа ие болғанымен, бұл мүмкіндікті пайдалана алмады. Тең нәтижеден кейін қазақстандық клуб турнирдегі алғашқы ұпайына ие болды.