Венизелу – «Қайрат» пен «Пафос» жайлы: екеуі де Еуропаны таң қалдыра алады

«Жеңісте» ойнаған кипрлік қорғаушы Константинос Венизелу ASnews.kz тілшісіне берген сұхбатында Чемпиондар лигасының жалпы кезеңінде бір-бірімен кездесетін «Қайрат» пен «Пафос» туралы пікірімен бөлісті.

«Екі команда да Чемпиондар лигасының негізгі кезеңіне жету арқылы ерекше нәтижеге қол жеткізді – бұл олардың қаншалықты прогресс жасағанын көрсетеді. Әрине, бірден Еуропаның топ-клубтарымен бәсекелесу оңай емес, бірақ екеуінің де жұртты таң қалдыратын әлеуеті бар.

Мен олардың Чемпиондар лигасын нешінші орынмен аяқтайтынын нақты айта алмаймын, бірақ екі команда да осы ірі турнирде бәсекеге түсіп, атын шығаратынына сенімдімін. Оларға сәттілік тілеймін», – деді кипрлік футболшы.

Екі команда да биыл УЕФА Чемпиондар лигасының жалпы кезеңінде дебют жасады. «Қайрат» пен «Пафос» кездесуі 21 қазан күні Алматыдағы Орталық стадионда өтеді