Куртуаның агенті – Қалмұрза туралы: «Реал» оған үлкен тәжірибе әкелді

Мадридтік «Реалдың» қақпашысы Тибо Куртуаның агенті Кристоф Анроте ASnews.kz тілшісіне берген сұхбатында Шерхан Қалмұрзаның еуропалық клубқа ауысу мүмкіндігін бағалады.

«Бес гол жіберіп алу – ол үшін жақсы нәтиже болмаса да, үлкен тәжірибе. Шерханның мансабы керемет болады деп сенемін. Бұл жігіттің Еуропада жетістікке жету-жетпеуі көрсеткен өнеріне ғана емес, оның ісін жүргізетін адамдарға да байланысты болады», – деді бельгиялық қақпашының агенті.

Чемпиондар лигасының екінші турындағы «Қайратқа» қарсы ойыннан кейін (5:0) Куртуа Instagram парақшасында 18 жастағы қазақстандық қақпашыны белгілеген болатын. Шерханның қазір 350 мыңнан астам оқырманы бар.

Қалмұрза алматылық клубтағы дебютін қыркүйекте «Ақтөбеден» болған ойында (1:0) жасады.