Мата – «Реалмен» болған ойын жайлы: 0:5 – ауыр нәтиже, бірақ бізде гол соғатын мүмкіндіктер болды

Алматылық «Қайраттың» қорғаушысы Луиш Мата ASnews.kz тілшісіне берген сұхбатында Чемпиондар лигасының екінші турында «Реалмен» болған ойынды қорытындылады.

«Менің ойымша, бүгінгі ойын бізге лайықты нәтиже әкелмеді. 5:0 – тым ауыр есеп. Біз бірінші таймда жақсы ойнадық және мүмкіндіктер жасадық. Біз гол соғуымыз керек еді, өйткені Чемпиондар лигасында, мысалы, «Спортингке» қарсы ойында көргендеріңіздей, өз мүмкіндіктеріңді пайдаланбасаң, жағдай қиындай түседі. Ал әлемнің ең үздік командасы «Реал Мадридке» қарсы одан да қиын болады», – деді Мата.

Қорғаушының айтуынша, екінші тайм қиынға соққан, бірақ команда әлі де болса өзінің күшіне сеніп отыр:

«Екінші таймда біз төрт гол жіберіп алдық. Әрине, аздап шаршадық және «Реал Мадридке» бос кеңістікті көп беріп қойдық. Бірақ біз бұл ойында дамытуды қажет ететін жақсы тұстарымызды көрсеттік. «Пафосқа» қарсы матчта жеңіске жетуге тырысуымыз керек және бұл жеңісті әрқашан бізді қолдайтын жанкүйерлерімізге арнағым келеді».

«Қайрат» Алматыда өткен Чемпиондар лигасының екінші турында мадридтік «Реалға» 5:0 есебімен есе жіберді. Килиан Мбаппе хет-трик жасаса, Эдуардо Камавинга мен Браим Диас бір-бір голдан соқты.