EFE журналисі: «Реалдың» қателігі «Қайратқа» ұпай сыйлауы мүмкін

Испаниялық EFE агенттігінің басшысы Хосе Игнасио Ортега ASnews.kz тілшісіне «Қайраттың» Чемпиондар лигасындағы «Реалға» қарсы ойыны туралы пікір білдірді.

«Әрине, «Реал Мадрид» бар күшін салады. «Қайратты» «Атлетикодан» жеңілгені үшін жазалайтынына сенімдімін», – деді журналист.

Оның айтуынша, «Реал» қателік жасаса, ЦСКА мен «Шерифке» қарсы матчтардағыдай сәтсіздікке ұрынады.

«Реал Мадридтің» мұндай ойында жеңілуі үшін көп қателіктер орын алуы керек. ЦСКА-ға қарсы матчта Тони Кроос көп қателесті, Влашич шешуші голды соғып кетті. Мен Мәскеуде стадионда болдым және мұны өз көзіммен көрдім. «Шерифке» қарсы да дәл солай болды: мадридтік клубтың қателіктері және молдовандардың тамаша ойыны. «Қайрат» жеңіске жету үшін мінсіз ойнауы керек, ал «Реал Мадрид» өміріндегі ең нашар ойынын өткізуі тиіс. Осындай сценарий болып кетуі де мүмкін. Кезінде «Рубин» «Барселонаны» жеңген болатын. Тосынсый деген әрқашан болып тұрады», – деді Ортега.

Бүгін, 30 қыркүйекте «Қайрат» Алматының Орталық стадионында мадридтік «Реалды» қабылдайды. Матчтың басталуы Астана уақытымен 21:45-те.