ҚПЛ-да ойнаған испаниялық футболшы: «Реалмен» ойында Қалмұрзаға үлкен қысым болады

«Жеңіс» клубының бұрынғы испаниялық ойыншысы Мигель Анхель Хунко Мартинес ASnews.kz тілшісіне берген сұхбатында «Қайраттың» Чемпиондар лигасы аясында «Реалға» қарсы ойыны туралы пікірімен бөлісті.

«Менің ойымша, Қалмұрзаға ғана емес, барлық ойыншыларға үлкен қысым түседі, өйткені бұл Чемпиондар лигасы – клубтық деңгейдегі басты турнир. 18 жаста бола тұра, мұндай матчтарда ойнау – керемет тәжірибе. Менде де сол жаста осы деңгейде ойнау мүмкіндігі болғанын қалар едім. Шерхан осы сәттен ләззат алады деп үміттенемін. Чемпиондар лигасының матчына 18 жаста шығу – үлкен қадам», – деді испаниялық шабуылшы.

Шерхан Қалмұрза Чемпиондар лигасындағы дебютін «Спортингке» қарсы ойында өткізді. «Қайраттың» 4:1 есебімен жеңілгеніне қарамастан, жас қақпашы 24-минутта пенальти қайтарды.

Қазір алматылық клуб Чемпиондар лигасының келесі ойынына дайындалып жатыр: 30 қыркүйекте «Қайрат» Алматыда Мадридтің «Реалын» қабылдайды