Қасаболат – «Реалмен» болатын ойын жайлы: бала күнгі арманым орындалайын деп тұр

Алматылық «Қайраттың» жартылай қорғаушысы Дамир Қасабулат ASnews.kz тілшісіне берген сұхбатында Чемпиондар лигасының екінші турында «Реалмен» болатын ойынға қатысты өз пікірімен бөлісті.

«Бұл тарихи матч болғалы тұр. Екі күн демалып, сосын «Реал Мадридке» талдау жасап, дайындықты бастаймыз. Мен өте қуаныштымын – бұл үшін күн сайын жұмыс жасадым. Бұл менің бала кездегі арманым деп айтуға болады. Ең бастысы – өз-өзіңе сеніп, аянбай еңбек ету», – деді Қасаболат.

«Қайрат» пен «Реал Мадрид» арасындағы кездесу 30 қыркүйекте Алматыда өтеді.