Испариялық эксперт: егер Қалмұрза «Реалға» қарсы негізгі құрамда шықса, бұл апаттық жағдай емес

Испаниялық сарапшы әрі Marca журналисі Давид Руис ASnews.kz тілшісіне берген сұхбатында Шерхан Қалмұрзаның «Реалға» қарсы ойынына неліктен күмәнмен қарауға болмайтынын түсіндірді.

«Егер Қалмұрза «Реалға» қарсы ойынды негізгі құрамда бастаса, бұл таңқаларлық немесе апаттық жағдай емес. Мысалы, 19 жастағы Лерой Сане оларға дәл сол турнирде гол соқты. Жас Икер Касильяс 2002 жылы Глазгода финалда ойнады, ал «Шалькенің» тағы бір түлегі Озил мадридтік команданың назарын «Местальедегі» керемет ойынымен өзіне аударды. Месут сол кезде Шерханмен жасты еді, сондықтан бәрі жақсы болады», – деп сендірді Руис.

«Қайрат» Чемпиондар лигасында ең көп титул жеңген командамен 30 қыркүйекте кездеседі. Александр Заруцкий мен Темірлан Анарбековтың жарақатына байланысты қақпаға 18 жастағы Шерхан Қалмұрза тұрады деп күтілуде.