Қазақстан құрамасының бұрынғы қақпашысы: Қалмұрза жеңілсе де, абыроймен тұрып берді

«Ордабасы» мен Қазақстан құрамасының бұрынғы қақпашысы Алмат Бекбаев ASnews.kz тілшісіне берген сұхбатында Шерхан Қалмұрзаның Чемпиондар лигасының дебюттік матчындағы жеңіліске қандай реакция білдіретінін айтты.

«Шерханға жеңіліс психологиялық тұрғыдан әсер етеді деп ойламаймын – ол ешқандай қателік жіберген жоқ. Мен бірде-бір өрескел қателік көрген жоқпын. Одан не күтуге болады? Ол 18 жаста: тіпті Премьер-лигада тәжірибесі жоқ, енді күтпеген жерден Чемпиондар лигасы шығып қалды.

«Қайрат» жеңіліп қалса да, Қалмұрза жақсы ойнады. Алматылықтар үзілістен кейін бірінші болып гол соққанда, мұншалықты көп гол жібермес еді», – деді Бекбаев.

Рафаэль Уразбахтин шәкірттері Чемпиондар лигасының алғашқы ойынында «Спортингтен» 4:1 есебімен жеңілген болатын. Бұл Қалмұрзаның жоғары деңгейдегі екінші матчы болды және ол бірінші таймда пенальти қайтарды.