Сорокин – Қалмұрза туралы: Чемпиондар лигасында үлкен қадам жасап жатыр

«Қайраттың» ресейлік қорғаушысы Егор Сорокин Чемпиондар лигасының бірінші турында «Спортингпен» болған ойыннан (1:4) кейін жас қақпашы Шерхан Қалмұрзаға қолдау көрсетті, деп хабарлайды ASnews.kz.

«Әрине, команда төрт гол жіберіп алған кезде оның дебютін жақсы болды деп айту дұрыс емес. Бірақ Шерхан жарап тұр. Ол Чемпиондар лигасы деңгейінде үлкен қадамдар жасауда, мен мұны құрметтеймін. Ол жанкүйерлер мен бізді қуанышқа бөлеу үшін жұмыс жасауын жалғастыруы керек. Біз оны команда ретінде қолдаймыз» – деді Сорокин.

«Қайраттың» 18 жастағы қақпашысы Шерхан Қалмұрза бірінші таймда пенальтиді қайтарғанымен, алматылықтар үш минуттың ішінде үш гол жіберіп алып, «Спортингтен» 4:1 есебімен жеңіліп қалды.