Рикардиньо – «Спортингтен» жеңілгені жайлы: «Қайрат» мұндай матчтарда жақсырақ ойнауы қажет

Алматылық «Қайраттың» шабуылшысы Рикардиньо Чемпиондар лигасының алғашқы турында «Спортингтен» жеңілгеннен кейінгі (1:4) әсерімен бөлісті, деп хабарлайды ASnews.kz.

«Әу бастан-ақ барлығы мұның қиын ойын, тартысты турнир екенін түсінді. Біз «Қайратқа» мұндай матчтарда жақсырақ ойнау керек екенін білеміз. Бірақ бәрібір бұл барлығымыз үшін өте жақсы тәжірибе болды. Кеше команда Чемпиондар лигасындағы алғашқы ойынын өткізді.

60-шы минуттан кейін не болғанын айту қиын. Мүмкін, кейбір ойыншылар шаршаған шығар, оған стадионның қысымы да әсер етті. Мұндай жағдайлар футболда болып тұрады. Біз жақсырақ ойнауымыз керек», – деді Рикардиньо.

Кеше алаң иелері бірінші таймда Тринкан (44-минут) соққан голдың арқасында алға шыққан болатын. Екінші таймда «Спортинг» тағы үш гол соқты: Тринкан (64'), Сантос (66') және Кенда (68') көзге түсті. 86-минутта Эдмилсон «Қайраттың» осы ойындағы жұбаныш голын соқты.

«Қайрат» қақпашысы Шерхан Қалмұрза 24-минутта Юльманның пенальтиін қайтарды.