«Спортинг» футболшысының агенті: «Қайрат» бізге қиындық тудыра алады

«Спортинг» қорғаушысы Эдуарду Куарежманың агенті Карлуш Гонсалвеш ASnews.kz тілшісіне берген сұхбатында «Қайратқа» қарсы матч жайлы пікірімен бөлісті.

«2018 жылы «Спортингтен» тең түскен (3:3) «Астана» қазақстандық клубтардың еурокубокте айтарлықтай бәсекеге қабілетті бола алатынын көрсетті. «Қайрат» өзіндік дәстүрі бар команда, сондықтан қарқынға ілесе алса, қиындық тудыруы мүмкін деп ойлаймын.

Лиссабон командасы әрқашан мықты болған, бірақ қазір футболдағы қарсыластық деңгейі теңесіп келе жатыр, тіпті ең кішкентай бөлшектердің өзі маңызды рөл атқарады», – деді Гонсалвеш.

Алматылықтар қыркүйектің 18-нен 19-на қараған түні «Жозе Альваладе» стадионында Португалияның бірнеше дүркін чемпиондарымен ойнайды.

«Спортингтің» негізгі қорғаушысы Усман Дьоманде алдағы матчқа қатыспайтындықтан, 23 жастағы Куарежма негізгі құрамнан шығады деп күтілуде. Оның трансферлік құны 18 миллион еуроға бағаланып отыр, бұл «Қайраттың» бүкіл құрамынан 6 миллионға көп.