Қазақстан құрамасының экс-қақпашысы – Қалмұрза туралы: интернетті ашпағаны дұрыс

«Ордабасы» мен Қазақстан құрамасының бұрынғы қақпашысы Алмат Бекбаев ASnews.kz (BorodAbata) тілшісіне берген сұхбатында Шерхан Қалмұрзаға Чемпиондар лигасындағы дебюті қарсаңында баспасөз беттерін оқымауға кеңес берді.

«Спортингпен» сырттағы матч қиын болатындықтан, Қалмұрза бар уайымын Лиссабонға тастап, еш қорықпай «Реалға» қарсы шығуы керек. Ең бастысы, Шерхан қысымға төтеп беруі тиіс – қазір жанкүйерлер де, баспасөз де ол туралы көп айтуда. Жас қақпашы интернетті оқымай, ойынға барынша салқынқандылықпен қараса екен деймін. Сол кезде бәрі жақсы болады», – деп сендірді тәжірибелі футболшы.

Александр Заруцкий мен Темірлан Анарбековтың жарақатына байланысты Рафаэль Уразбахтин 18 жастағы қақпашыға үміт артады. Қалмұрза Чемпиондар лигасының жалпы кезеңінде «Спортинг» (18 қыркүйек) және «Реалға» (30 қыркүйек) қарсы ойнайды деп күтілуде.