Бекбаев – «Қайраттың» жас қақпашысы туралы: Қалмұрза қысымды сезеді

«Ордабасы» мен Қазақстан құрамасының бұрынғы қақпашысы Алмат Бекбаев BorodAbata.kz (AS News) сайтына берген сұхбатында Шерхан Қалмұрзаның ойыны туралы пікір білдірді. «Қайраттың» жас қақпашысы 18 жасында Чемпиондар лигасында дебют жасағалы тұр.

«Жоғары деңгейлі ойыншылары бар «Қайрат» сапында ойнайтын Шерханның жолы болды. Олар жас қақпашының «Ақтөбеге» қарсы дебютін жеңілдетіп берлі – Қалмұрза қақпасына гол өткізбеді, бірақ оның қысымды сезінетініне сенімдімін.

Бұл командада мықты үш қақпашы бар: Заруцкий «Селтикке» қарсы матчтың алдында көзге түсті, одан кейін Анарбеков үлкен ерлік жасады, ендігі кезек Қалмұрзға келді. Ең бастысы, ол да жарақат алмаса болды. Чемпиондар лигасына қанша қақпашы тіркелгенін білмеймін, бірақ «Қайрат» оларға жақсылап қарау керек (күлді). Шерханға сәттілік жолдас болады деп күтемін», – деді Бекбаев.

Алматылық команданың жас қақпашысы Премьер-лигада «Ақтөбеге» қарсы ойында (1:0) дебют жасаған болатын. Ол нигериялық футболшы Уче Агбомен соқтығысудың салдарынан жақ сүйегін сындырып алған Темірлан Анарбековты алмастырды.

Қалмұрза Чемпиондар лигасының бірінші турында «Спортингпен» өтетін ойынға негізгі құрамнан шығады деп күтілуде. Матч қыркүйектің 18-нен 19-на қараған түні «Жозе Алваладе» стадионында өтеді.