«Тосын сый болған жоқ»: «Бернли» бапкері – маусым басындағы қиыншылықтар туралы

Чемпионшиптегі сәтсіз стартқа байланысты үлкен қысымға ұшыраған «Бернлидің» бас бапкері Ники Хайен қиыншылықтардың ауқымын басынан-ақ түсінгенін және қазіргі дағдарыс жағдайы өзі үшін күтпеген жаңалық болмағанын мәлімдеді, деп хабарлайды ASnews.kz Burnley Express басылымына сілтеме жасап.

Қысым мен нәтижелер туралы

«Мен мұның әрдайым үлкен сынақ екенін білемін, сондықтан болып жатқан жағдай мен үшін тосын сый болған жоқ. Ойындар бірінен соң бірі өтуде. Бұған дейін айтқанымдай, жаңа трансферлер, ойыншылардың физикалық жағдайы, сондай-ақ бұған дейін ұзақ уақыт лазаретте болған футболшылардың болуы – мұның бәрі біздің шынайы жағдайымыздың бір бөлігі. Шындықтың тағы бір бөлігі – бізде өзіміз үміттенген нәтижелер жоқ. Біз мұны өзгертуіміз керек және мен бұл үшін күресуді жалғастыруға 100 пайыз дайынмын».

«Дерби Каунтиге» қарсы уыстан шыққан жеңіс туралы

«Ойыншылар соңына дейін бар күшін салды. Бірінші таймда лайықты ойын өрнегін көрсеттік. Екінші тайм біршама ретсіз өтті, бұл бұрынғыдай әдемі футбол емес еді. Бірақ жігіттер екінші голды соғуға тырысып, алға ұмтылуды жалғастырды. Әрине, қосымша уақытта біз тым оңай гол жіберіп алдық, бірақ футболшыларды жанкештілігі жетіспеді деп кінәлай алмаймын».

Еске сала кетейік, ағылшындық «Бернли» намысын лондондық «Челсиден» жалға алу құқығымен 18 жастағы қазақстандық шабуылшы Дастан Сәтбаев қорғайды. Қазіргі таңда Ники Хайен шәкірттері Чемпионшиптің турнир кестесін қорытындылап, ең соңғы, 24-орында келеді. Қыркүйек айындағы матчта Сәтбаев санының артқы бұлшықетін жарақаттап алып, оңалтудан өту үшін уақытша Кобхэмдегі «Челси» базасына оралған болатын.