Қазақ футболшысы «РБ Лейпцигке» қарсы гол соғып, ассист жасады

«Магдебург» академиясының 16 жастағы жартылай қорғаушысы Абдулла Бапишев Германияның жасөспірімдер чемпионатында «Кемницерге» қарсы матчқа қатысты, деп хабарлайды ASnews.kz.

«Магдебург» U-17 командасының шабуылдаушы жартылай қорғаушысы чемпионаттың бесінші турындағы «Кемницерге» қарсы матчта алаңда 76 минут өткізді. Бір гол соққан қазақстандық футболшы командасына 4:1 есебімен ірі жеңіске жетуге көмектесті.

Айта кетейік, осыдан екі апта бұрын алматылық «Джейранның» түлегі «РБ Лейпцигпен» (3:2) болған текетіресте нәтижелі пас беріп, көзге түскен болатын. Осылайша, «Магдебург» 17 жасқа дейінгілер санатындағы B тобында көш бастап тұр.

Еске сала кетейік, Абдулла Бапишев Екінші Бундеслига клубының академиясына өткен қыста қосылған еді. Бұған дейін ол жергілікті «Айхсфельд» және «Гёттинген» командаларында өнер көрсеткен. Сондай-ақ Қазақстанның жасөспірімдер құрамасының намысын қорғайды.