«Челси» емдеу жұмыстарына араласты: «Бернлиде» Дастан Сәтпаевтың қатарға қосылатын уақытын атады

Ағылшындық «Бернлидің» бас бапкері Ники Хайен Қазақстан ұлттық құрамасының 18 жастағы шабуылшысы Дастан Сәтпаевтың жарақатынан қалпына келу барысы туралы айтып берді, деп хабарлайды ASnews.kz.

Бапкердің айтуынша, футболшыны оңалту процесіне ойыншының құқығына ие лондондық «Челсидің» дәрігерлері белсенді түрде тартылған. Шабуылшы алдағы ұлттық құрамалар матчтарына берілетін үзіліс кезінде толықтай дайын болады деп күтілуде.

«Дастан халықаралық үзіліс кезінде оралады. Ол осында. «Челси» өкілдері келіп, біздің медициналық штабпен сөйлесті. Олар бірлесе отырып, оның тезірек сауығып кетуі үшін оңтайлы бағдарлама әзірледі», – деді Хайен баспасөз мәслихатында.

Еске сала кетейік, Сәтпаев жақында Чемпионшип аясында «Мидлсброға» (1:1) қарсы өткен матчта санының артқы бұлшықетінен жарақат алып, 80-минутта алаңнан кетуге мәжбүр болған еді. Жас қазақстандық биылғы маусымды «бордолықтар» сапында бір жылдық жалға алу шартымен өткізіп жатыр.