«Бернли» «Страсбурдан» жақсырақ: танымал блогер Сәтпаевтың жалға ауысқанын бағалады

Танымал «Мяч Production» YouTube-арнасының ауторы Александр Журавлев ASnews.kz сайтына берген сұхбатында Қазақстан ұлттық құрамасының 18 жастағы шабуылшысы Дастан Сәтпаевтың лондондық «Челсиден» «Бернлиге» жалға ауысуын талдап берді.

«Бернлиге» жалға берілуі – өте тамаша нұсқа. Дастанның алғашқы матчынан-ақ оның әлеуеті өте жоғары екені көрінді. Бірақ Ресей немесе Қазақстан чемпионатынан келген кез келген футболшы мүлдем басқа жылдамдықтарға тап болады. Ең алдымен, бұл доптың қозғалыс жылдамдығы мен шешім қабылдауға қатысты. Англияда допты қабылдап алғаннан кейін саған бір секунд та уақыт бермейді.

Алғашқы кездесуде Сәтпаевты жауып үлгеріп жатқан сәттер байқалды. Доппен жұмыс істегенде тезірек ойланып, шешімді жылдам қабылдау керек. Оның жасында мұндай жағдайға бейімделу оңай, бірақ уақыт қажет. Егер ол «Челсидің» негізгі командасында қалғанда, тек жаттығу жасап, ойын тәжірибесін ала алмай қалар еді – мұндай жағдайда даму өте қиын.

Оны «Страсбурға» емес, дәл осы «Бернлиге» жалға бергені өте дұрыс болды. Бұл да Англия, бұл жердегі футбол стилі Франциямен салыстырғанда, Британияға жақынырақ. Оның үстіне «Бернлиде» елге, ауа-райына және тілге бейімделу оңайырақ түседі. «Челсидегі» болашақ мансабы тұрғысынан бұл – өте жақсы қадам. Оның келешегі зор, енді «Бернлиде» өзін қалай көрсететінін күтеміз», – деді сарапшы.

18 жастағы қазақстандық форвард Дастан Сәтпаев лондондық «Челсиден» «Бернлиге» 2026/27 маусымының соңына дейін кейіннен сатып алу құқығынсыз жалға ауысты.

Александр Журавлев – спорт журналисі және «Мяч Production» футбол жобасының авторы.

«Челсидің» инстаграмындағы қолдауды көрдім»: Дастан Сәтпаевтың «Бернлидегі» алғашқы толық сұхбаты

«Ғажайып трансфер»: әйгілі британдық сарапшы Сәтпаевтың «Бернлиге» ауысуын бағалады

«Бернли»: клуб туралы ақпарат, тарихы, стадионы, бапкері. Дастан Сәтпаев қайда кетті?