«Әкем Қазақстанда құрылысшы болып жұмыс істейді»: Өзбекстан құрамасының қорғаушысы Каримов ағынан жарылды

Швейцариялық «Лугано» мен Өзбекстан құрамасының 19 жастағы қорғаушысы Бехруз Каримов еуропалық мансап үшін неліктен мол қаржы ұсынған клубтардан бас тартқанын және бұған әкесінің қандай ықпал еткенін айтып берді, деп хабарлайды ASnews.kz Championat.asia сайтына сілтеме жасап.

«Отбасымызды кедей деп айта алмаймын. Жақында Одил Ахмедов сұхбаттарының бірінде: «Ең бастысы – әкемнің амандығы» деген еді. Мен де әкемнің бар болғанына шүкір етемін. Ол әлі де Қазақстанда қарапайым құрылысшы болып жұмыс істейді.

Маған көптеген клубтардан үлкен жалақысы бар ұсыныстар түсті, бірақ карьерамды ойлап, ойын тәжірибесін беретін команданы таңдап отырмын. Екі жыл ақша тауып, кейін жоқ болып кеткенше, болашақта жоғары деңгейге шығуды мақсат еттім. Әкем маған: «Сен ақшаны емес, футболды ойла, мен жұмыс істей беремін» деді. Әкем футбол үшін ештеңесін аямады және мені әрдайым қолдап отырды», – деді Каримов.

19 жастағы Каримов Өзбекстан құрамасы сапында Әлем чемпионатында Колумбия мен Португалияға қарсы ойындарда негізгі құрамда өнер көрсеткеннен кейін «Сурхоннан» «Луганоға» ауысты.

Әлем біріншілігінде қорғаушы тарихқа енді: оның және Криштиану Роналдуның өзара кездесуіндегі жас айырмашылығы 22 жас 183 күнді құрады – бұл әлем чемпионаттары тарихындағы қарсыластар арасындағы ең үлкен жас айырмашылығы көрсеткіші.

Бехруз Каримов: өмірбаяны, толық ақпарат, жалақысы, жеке өмірі. «Луганоға» ауысуы