Сәтпаевтың «Челсиіндегі» Хаби Алонсоның жұмысына қатысты маңызды тетік белгілі болды

Әлеуметтік желіде лондондық «Челсидің» бас бапкері Хаби Алонсоның еңбек тәртібі мен жұмыс процесіне ұқыпты қарайтыны туралы егжей-тегжейлі мәліметтер жарияланды, деп хабарлайды ASnews.kz.

«Жаттығу немесе матч аяқтала салысымен Алонсоны бірден командалық автобустан көруге болатын: ол ноутбугін ашып, өткен ойынның видеоэпизодтарын талдайтын немесе келесі жаттығудың жоспарын дайындайтын. Оның ұсақ-түйекке дейін көңіл бөлетіні мен жоғары шоғырлануы әрбір адамға анық байқалып тұратын», – деп жазады blue_footy X-аккаунты.

Испаниялық маман өзінің ұқыптылығымен әрі талапшылдығымен танымал. Бұл «көктердің» жас ойыншыларына, соның ішінде 17 жастағы қазақстандық шабуылшы Дастан Сәтпаевқа тезірек дамып, әлемдік футбол стандарттарына бейімделуге көмектеседі.

17 жастағы қазақстандық форвард Дастан Сәтпаев «Челсидің» негізгі құрамымен маусымалды оқу-жаттығу жиындарын өткізіп, Хаби Алонсодан ойын уақытын алды және Sydney Super Cup турнирінің ең үздік голын соқты. 12 тамызда – 18 жасқа толған күні – ойыншы лондондықтармен ресми түрде толыққанды келісімшартқа отырады.

Дастан Сәтпаев: өмірбаяны, толық ақпарат, жалақысы, жеке өмірі. «Челси» сапындағы алғашқы голы