Дастан Сәтпаевтың «Челсиі» Джакартада «Миланды» тас-талқан етті

Лондондық «Челси» маусымалды дайындық аясындағы бақылау кездесуінде италиялық «Миланды» сенімді түрде жеңді.

Джакартадағы (Индонезия) GBK Madya Stadium стадионында өткен кездесу «россонериді» 3:0 есебімен тас-талқан етумен аяқталды.

Бірінші таймның басым бөлігінде командалар тең дәрежеде өнер көрсетті, бірақ үзіліс алдында лондондықтар есеп ашты: 45+2-минутта Жоао Педро бұрыштамадан асырылған допты басымен торға бағыттады.

Екінші тайм бастала сала бразилиялық шабуылшы дубль авторы атанды – 46-минутта ол Педру Нетудың қапталдан асырған добын бір тиюмен қақпаға енгізді. Матчтағы соңғы нүктені 51-минутта Мойзес Кайседо қойды, ол кезекті бұрыштамадан кейін айып алаңының сыртынан жойқын соққымен италиялықтардың қақпасын дәл көздеді.

Қазақстандық шабуылшы Дастан Сәтпаев бұл матчта «көктердің» өтініміне енгізілгенімен, бүкіл ойынды қосалқы құрамда өткізіп, алаңға шыққан жоқ.

Британдық БАҚ: «Халл Сити» Дастан Сәтпаевты «Челсиден» жалға алғысы келеді