«Киім ауыстыратын бөлмені төңкеретіндей еді»: Чесноков «Хартстың» экс-бапкерімен қарым-қатынасы туралы

Қазақстан ұлттық құрамасының вингері Ислам Чесноков ASnews.kz сайтына берген сұхбатында эдинбургтік «Хартста» шотландиялық маман Дерек Макиннестің басшылығымен жұмыс істеген кезеңін еске алды.

«Қарым-қатынасымыз қалыпты болды: жаман да емес, тым жақсы да емес – бапкер мен ойыншы арасындағы әдеттегі жұмыс барысындағы қарым-қатынас. Ол жақта жеке сөйлесіп, бірнәрсені егжей-тегжейлі түсіндіретін үрдіс жоқ.

Макиннес – өте эмоционалды кісі. Ойынға шығатын кезде оны бірден байқауға болатын еді. Мысалы, біз гол соқсақ, ол 30 метр жүгіріп келіп болл-боймен бірге тойлап кететін. Ойыншы ретінде де тура осындай болған деседі. Кейде байсалды болатын, ал басқа кездерде киім ауыстыратын бөлмені төңкеретіндей еді. Ол жақта бұдан да көп уақыт өткізгенімде, мүмкін оны жақсырақ танитын едім», – деді Чесноков.

Ислам Чесноков шотландиялық «Хартс» клубына 2026 жылдың қаңтарында ауысты. Эдинбургтік ұжым сапында Қазақстан құрамасының футболы барлық турнирде 11 матч өткізіп, бір жеңіс голын соқты және Шотландия чемпионатының күміс жүлдегері атанды. Осы жылдың жазында ол қостанайлық «Тобылға» қайта оралды.

Өткен маусым аяқталған соң Дерек Макиннес «Хартстан» кетіп, Глазгоның «Рейнджерс» клубының бас бапкері атанды.

«Қазақстанға оралу үшін Чемпионшиптан бас тартты»: Чесноковтың агенті – Англия тарапынан болған қызығушылық туралы