Дастан Сәтпаев EA Sports FC 27 шығар алдында әлемдік гейминг қауымдастығының назарына ілікті

EA Sports FC футбол симуляторының ең ірі деректер базасы мен комьюнити-платформасы – FUTBIN – лондондық «Челсидің» 17 жастағы қазақстандық шабуылшысы Дастан Сәтпаевты алдағы EA Sports FC 27 ойынының ең қызықты жас футболшыларының қатарына қосты, деп хабарлайды ASnews.kz.

Алматылық «Қайраттан» «Челсиге» ауысқан қазақстандық шабуылшы танымал Ultimate Team режимінде «күміс» карточка алады.

Сәтпаевтың EA FC 27 ойынындағы сипаттамалары:

• Жалпы рейтингі (OVR): 72 (Silver card)

• Жылдамдық (Pace): 78

• Дриблинг (Dribbling): 76

• Пас беру (Passing): 71

• Соққы (Shooting): 69

• Физикалық дайындық (Physique): 56

• Қорғаныс (Defense): 45

FUTBIN – күнделікті аудиториясы 3,5 миллионнан асатын Ultimate Team ойыншыларына арналған басты сараптамалық және нарықтық платформа. Сервис EA Sports-тың ресми уәкілетті серіктесі болып табылады.

Ойынды әзірлеушілер FUTBIN платформасындағы футболшылардың танымалдылығын үнемі бақылап отырады: әлемдік футсим қауымдастығы тарапынан Сәтпаевтың карточкасына деген жоғары қызығушылық болашақта EA Sports қазақстандық ойыншы үшін арнайы жақсартылған промо-карточка шығару мүмкіндігін арттырады.

Еске сала кетейік, Дастан Сәтпаевтың лондондық «Челсимен» келісімшарты футболшы 18 жасқа толатын 12 тамызда күшіне енеді.

17 жастағы форвард Хаби Алонсоның басшылығымен «көктердің» негізгі құрамымен жазғы оқу-жаттығу жиындарын өткізіп жатыр. Ол аустралиялық «Вестерн Сидней Уондерерс» қақпасына (6:4) дебюттік голын соқты, сондай-ақ лондондық «Тоттенхэмге» және туриндық «Ювентуске» қарсы матчтарда алаңға шықты.

Ресейде Дастан Сәтпаевтың «Ювентуске» қарсы ойынына баға берілді

Дастан Сәтпаев: өмірбаяны, толық ақпарат, жалақысы, жеке өмірі. «Челси» сапындағы алғашқы голы