Гонконгтағы қошемет: қазақстандықтар Сәтпаевтың «Ювентуске» қарсы матчта қолдады (видео)

Лондондық «Челсидің» «Ювентуске» қарсы жолдастық матчында 17 жастағы қазақстандық шабуылшы Дастан Сәтпаевтың алмасуға шығуы Гонконгтағы «Кай Так» аренасының трибуналарында ерекше қошеметке ие болды, деп хабарлайды ASnews.kz.

Гонконгтағы стадионға мемлекеттік тумен келген жиырмаға жуық қазақстандық жанкүйер отандасына ыстық ықылас білдірді. 65-минутта «көктердің» бас бапкері Хаби Алонсо Сәтпаевты Джейми Байноу-Гиттенстің орнына алаңға шығарған сәтте, отандастары форвардты орнынан тұрып, зор қошеметпен қарсы алды.

Дастан Сәтпаев алаңға шыққан сәттегі «Кай Так» аренасы трибунасынан түсірілген кадрлар

Сәтпаев алаңға шыққан сәтте есеп әлі ашылмаған болатын (0:0), алайда 68-минутта «Ювентус» Эдон Жегрованың соққысынан кейін ойындағы жалғыз голды соғып, 1:0 есебімен жеңіске жетті.

17 жастағы қазақстандық үшін бұл кездесу лондондықтардың бірінші командасы сапындағы маусымалды турне аясындағы үшінші ойын болды. Бұған дейін шабуылшы «Вестерн Сидней Уондерерске» қарсы матчта (6:4) гол соққан болатын.

Сәтпаев бастаған «Челси» Гонконгтағы бақылау матчында «Ювентуске» жол берді