Сәтпаев бастаған «Челси» Гонконгтағы бақылау матчында «Ювентуске» жол берді

Лондондық «Челси» Гонконгтағы «Кай Так» аренасында өткен жолдастық кездесуде туриндік «Ювентуске» 0:1 есебімен есе жіберді, деп хабарлайды ASnews.kz.

17 жастағы қазақстандық шабуылшы Дастан Сәтпаев лондондықтардың кездесуін қосалқы құрамда бастады.

«Көктердің» бас бапкері Хаби Алонсо форварды 65-минутта есеп 0:0 болып тұрғанда Джейми Байноу-Гиттенстің орнына алаңға шығарды. Арада үш минут өткенде туриндік клуб алға шықты – 68-минутта ойындағы жалғыз голды «Ювентустың» вингері Эдон Жегрова соқты. Есепті теңестіру лондондықтардың қолынан келмеді.

Сәтпаев үшін бұл бәсеке маусымалды дайындық аясында «Челсидің» негізгі командасы сапындағы үшінші ойын болды. Бұған дейін ол «Вестерн Сидней Уондерерспен» (6:4) өткен кездесуде алғашқы голын соқса, «Тоттенхэмге» (1:2) қарсы матчтың екінші таймында алаңға шыққан еді.

Қазақстандық шабуылшының маусымда негізгі команда сапында қалатыны немесе жалға берілетіні туралы түпкілікті шешімді Хаби Алонсо маусымалды жиындардың қорытындысы бойынша қабылдайды.

Дастан Сәтпаев: өмірбаяны, толық ақпарат, жалақысы, жеке өмірі. «Челси» сапындағы алғашқы голы