Қазақстандық шабуылшы еуропалық клуб сапында тағы да көзге түсті (видео)

Испаниялық «Атлетико Леванте» клубының 18 жастағы қапталдағы шабуылшысы Алдияр Нұрғали «Теруэль» клубына қарсы бақылау матчында соққан голымен көзге түсті, деп хабарлайды ASnews.kz.

Испанияның үшінші дивизионының өкіліне қарсы кездесудің 20-минутында Нұрғали шабуылдың сол жақ қапталында пас алып, оң аяғымен дәл соққы жасап, допты қақпаның сол жақ төменгі бұрышына тулатты.

Нұрғалидің голының видеосын осы жерде тамашалаңыз

Дегенмен, қазақстандық футболшының бұл голы «Атлетико Левантені» (клуб құрылымындағы U-23 форматындағы жастар командасы) жеңілістен құтқара алмады – кездесу 1:2 есебімен аяқталды.

Еске сала кетейік, Нұрғалидың өз айтуынша, бұған дейін испандық клуб басшылығы жастар командасында тұрақты әрі нәтижелі ойын көрсете берсе, қазақстандық вингерді «Левантенің» ересектер құрамымен бірге жаттығуға тартуға уәде берген.

 Өткен маусымда Қазақстан жасөспірімдер құрамасының футболшысы «Леванте» U-19 командасы сапында сәтті өнер көрсетіп, өз еншісіне сегіз гол жазған болатын.

«Хартс» мені 2025 жылдан бері күтті»: Чесноков – шотландиялық клубқа ауысудың туралы