«Чемпионшипке кетуі де мүмкін еді»: Чесноковтың агенті – «Хартстан» кету себептері туралы

Қазақстан құрамасының вингері Ислам Чесноковтың мүддесін қорғайтын футбол агенті Ярослав Зварич ASnews.kz басылымына берген сұхбатында ойыншымен әріптестік егжей-тегжейін, Шотландиядағы тұрмыстық қиындықтарды және оның ҚПЛ-ге оралу себептерін айтып берді.

– Исламмен жұмыс істеп жатқаныңызға қанша уақыт болды?

– «Тобылдағы» алғашқы жылдан кейін оның «Астана» мен «Ақтөбе» арасында қайтадан таңдауы болды, бірақ ол «Тобылмен» келісімшартты ұзартты. Жалпы, біздің бірге жұмыс істеп жатқанымызға үш жыл болды. Мен оның Қазақстан құрамасы сапындағы әрбір ойынын көрдім. Грекия мен Австрияға қарсы матчтар, сондай-ақ «Тобылмен» бірге швейцариялық Санкт-Галлендегі және словакиялық «Жилина» мен «Ружомберокке» қарсы сырт алаңдағы ойындар есімде. Бұл матчтарда Исламды бақылап жүрген скауттардың саны өте көп болды. Мен де олармен сөйлестім, кеңестерімді бөлістім және Исламды өзінің үздік қырынан ашуға тырыстым».

– Исламды үш жылға жуық танисыз. Оның мінезі қандай? Сырт көзге ол өте жабық әрі тұйық, артық назарды жақтырмайтын адам сияқты көрінеді.

– Иә, ол мінезі тұйық адам. Дегенмен ең бастысы – ол өзіне өте талапшыл. Егер сәтсіз ойын өткізсе, қатты уайымдайды. Бірден сараптап, себебін іздей бастайды. Мұның бәрі өзінің алдына тым жоғары талаптар қоятындығынан. Оның үстіне ол мүлдем жаңа ортаға түсті. Иә, ол ағылшын тілін жақсы түсінемін әрі сөйлеймін деп ойлады, бірақ іс жүзінде бәрі мүлдем басқаша болып шықты.

Кейінірек Диананың (Исламның жубайы) визасын ұзақ күту мәселесі туындады. Осы жағдайлардың бәрі оның жағдайына қатты әсер етті. Клуб басшылығы Исламды қалдырғысы келді және жаңа маусымда оған мүмкіндік беруді жоспарлады. Дегенмен Исламның отбасылық жағдайлары да болды. Исламның анасы Қазақстанда жалғыз қалғандықтан, ол анасына көп көңіл бөлді. Виза мәселесі де шешілмеді. Басқа да тұрмыстық қиындықтар болды.

Осы факторлардың бәрі оның бейімделуіне әсер етті. Футбол тұрғысынан Исламға ешқандай кінә артылған жоқ. Ешкім оны айыптаған жоқ және сәтсіз маусым өткізді деп айтқан жоқ. Егер оған «Хартс» сапында тағы бір маусым ойнауға мүмкіндік берілгенде, келесі жылы ол жүз пайыз ағылшын Чемпионшипінен бірақ шығар еді. Мен бұған толықтай сенімдімін».

26 жастағы Ислам Чесноков осы жылдың қаңтар айында шотландиялық «Хартсқа» ауысқан болатын. Осы уақыт ішінде қазақстандық вингер барлық турнирде 11 матчқа қатысып, бір гол соқты және Шотландия чемпионатының күміс жүлдегері атанды. 2026 жылдың жазында футболшы қостанайлық «Тобылға» оралды.