Дидар Сыдықбек Қазақстан мен Ресей құрамалары арасында матч ұйымдастырмақ

SD Family футбол клубының негізін қалаушы әрі еліміздегі медиафутболды басты насихаттаушылардың бірі Дидар Сыдықбек Қазақстан мен Ресейдің медиа құрамалары арасында жолдастық кездесу өткізуге дайын екенін мәлімдеді. Бұл туралы ол 13TEAM порталына берген пікірінде айтты, деп хабарлайды ASnews.kz.

Сыдықбек қазақстандық тараптың елордада ауқымды шоу ұйымдастыруды өз мойнына алуға және оған танымал тұлғаларды, соның ішінде кәсіби футбол ардагерлерін тартуға дайын екенін атап өтті.

«Қазақстанның медиафутбол құрамасы үшін Ресейдің медиафутбол құрамасына қарсы матч өте қызық. Біз бұл матчты Қазақстанда қабылдауға, шоу жасауға дайынбыз. Тек белгі берсе болды. Біздің тараптан да Қазақстан құрамасының аңыздары мен медиа тұлғалар болады. Ойыншыларды мұқият таңдап, алаңға шығып, нағыз ұлттық құрама ретінде күресетін боламыз. Менің ойымша, маусым аяқталғаннан кейінгі үзіліс кезінде қазан-қараша айларында «Астана Аренада» ойнау – таптырмас мүмкіндік», – деді Дидар Сыдықбек.

Дидар Сыдықбек – SD Family медиа футбол клубының құрушысы. Команданың ресейлік Медиа футбол лигасында (MFL) өнер көрсету тәжірибесі бар. Сыдықбек матчты өткізу орны ретінде ұсынған елордалық «Астана Арена» стадионы 30 мың көрерменді сыйдыра алады.

Молдова футбол федерациясының құрметті президенті: ең бастысы – Қазақстанмен тең түспеу