Дәулетов «Генкке» қарсыласын ойсырата жеңуге көмектесті

«Генк» клубының 16 жастағы қазақстандық вингері Шахмұрат Даулетов Бельгия чемпионатында «Сент-Трюйденмен» болған матчқа қатысты, деп хабарлайды ASnews.kz.

Қапталдағы шабуылшы ел біріншілігінің 12-туры аясындағы ойынға қатысып, екінші таймда алаңға шықты. Турнир кестесінің соңында тұрған қонақтар бес голға да жауап қайтара алмай, ірі есеппен жеңілді (5:0). Осылайша «Генк» жеңіліссіз сериясын жалғастырды.

Маусымның шымылдық ашар матчында Даулетовтың командасы дәл осы ««Сент-Трюйденді» 3:0 есебімен тізе бүктірген еді.

«Генк» әлі де болса «Брюггені» өкшелеп келеді және Дәулетовтың командасында артық бір ойын бар. Сенбі күні команда «Андерлехтпен» кездеседі.