Мудрик пен Судаковтың агенті: енді қазақстандықтарды Еуропаға шығарамыз

Украиналық танымал футбол агенті Вадим Шаблий ASnews.kz сайтына берген сұхбатында алдағы уақытта қазақстандық футболшылармен жасалатын жұмыс туралы айтып берді.

«ProStar шынымен де Қазақстан нарығына еніп жатыр. Біздің мақсатымыз – жергілікті футболшылармен ынтымақтастық орнату және олардың шетелге кетіп, сол жақта дамуына көмектесу. Шын мәнінде, біз бұған дейін де мұнда жұмыс істегенбіз: Алексей Антонов, Патрик ван Леувен және басқа да көптеген адамдармен, бірақ кейін бар назарымызды Еуропаға аудардық», – деді Шаблий.

Украиналық футбол агенті Михаил Мудрик («Челси»), Георгий Судаков («Бенфика») және Виталий Миколенко («Эвертон») сияқты жұлдыздардың ісін жүргізеді. Қазіргі уақытта ProStar-да 558 ойыншы бар, олардың жалпы нарықтық құны 366,97 миллион еуроны құрайды.

БАҚ хабарламаларына сенсек, Шаблий Қазақстан Премьер-лигасына (атап айтқанда, «Ақтөбеге») шетелдік ойыншылардың келуіне ықпал етуі мүмкін.