Белгілі ресейлік блогер: Анарбеков АПЛ-дың ортаңқол командасына ауысуы керек

Ресейлік сарапшы және МЯЧ Production YouTube арнасының жүргізушісі Васант Балан ASnews.kz сайтына Темірлан Анарбековтың Еуропадағы болашағы туралы пікір білдірді.

«Ол ТОП-5 лиганың біріне баруы керек, бірақ алдымен жас ойыншыларға сенетін және нәтижелеріне қарап, қысым жасамайтын командаға баруы тиіс. Оның титул үшін күреспейтін немесе қауіпті аймақта жүрмейтін «Фулхэм», «Кристал Пэлас» сияқты орта деңгейдегі командаға барғаны жөн. Мүлдем басқа мәдени ортадан келген адамға бейімделуге мүмкіндік берілетін және басшылар оны қабылдап, қолдайтын ортаға баруы қажет.

Темірлан тіл үйренбей Еуропаға бара алмайды. Мен Бельгияға – «Брюгге» немесе «Юнионға» барар едім. Ол жақта заманауи футбол ойнайды және еурокубоктар бар, ал ойыншыларды ірі клубтың скауттары бақылайды. Бұл командаларда шетелдік футболшылар онсыз да көп», – деді Балан.

Жақында берген сұхбатында «Қайрат» қақпашысы Англия Премьер-лигасында ойнағысы келетінін ашық айтқан еді. Қазіргі уақытта алматылық клубқа нақты ұсыныс түспеген.

Өткен маусымда Анарбеков ҚПЛ-да 10 ойын өткізіп, жеті рет қақпасына қақпасын голдан аман сақтады. Қақпашы сонымен қатар Премьер-лига маусымының ең үздік қақпашысы деп танылды.