Қазақстандық бапкер – «Арсеналдан» кетуі жайлы: аз бюджетпен көздеген мақсатымызға жеттік

Қазақстандық бапкер Сергей Якушин ASnews.kz сайтына берген сұхбатында «Арсенал Дзержинск» клубындағы жұмысын қорытындылап, клубтың басты мәселесін айтып берді.

«Спорттық көрсеткіштер тұрғысынан алғанда, «Арсеналмен» көздеген мақсаттарымызға жеттік. Лигадағы бюджетіміз аса мол болмаса да, төменгі екі-үш командамен салысьырғанда жақсы нәтижелерге қол жеткіздік. Сондай-ақ, жас ойыншыларымыздың қаншалықты жиі ойнағанын ескеру маңызды.

Екінші айналымда біз қарсыластарымыздан бір рет қана әлсіз болдық – «Витебск» командасынан 4:0 есебімен жеңілген кезде. Қалған матчтарда жігіттер қарсыластармен тең дәрежеде ойнап, ойын тізгінін ұстап отырды. Дұрыс ойын көрсеткенде, турнир кестесінде одан да жоғары көтеріле алар едік», – деді 36 жастағы бапкер.

Якушин Беларуське келгеніне өкінбейтінін де жеткізді:

«Жалпы алғанда, бұл жақсы тәжірибе болды. Мен жасаған жұмысымнан ұялмаймын және «Арсеналға» өткізген уақытым үшін алғыс айтамын. Бапкер ретінде күшейгеніме сенімдімін».

«Арсенал» маусымды 11-ші орында аяқтады. Бұл клубта «Атыраудың» бұрынғы шабуылшысы Фатхулло Олимзода ойнайды, ал команданың орташа жасы небәрі 23,3-ті құрайды.

Якушин бұған дейін «Екібастұз», «Ақсу», «Красава» және «Ертісте» жұмыс істеген.

Бапкер сонымен қатар клубтың ойыншылар мен қызметкерлерге қарыз екенін айтты.