Алматыдағы стадионға қатысты қиындықтар пайда болды: құрылыс жұмыстары кешігуде

Алматыда жаңа стадионның қүрылысына қатысты қиындықтар туындап отыр, деп хабарлайды ASnews.kz.

Бейресми мәліметтерге сәйкес, қала әкімдігі құрылыс компаниясымен келісімге келе алмай отыр.

Стадион Құлжа және Талғар тас жолдарының арасында салынады деп жоспарланған, бірақ жоба әлі бекітілген жоқ. Сондықтан аренаның құрылысы кейінірек басталуы мүмкін.

Жаңа стадион 35 000 көрерменге арналған және УЕФА-ның 4-ші категориясына сай келеді.

«Стадион салынатын 15 гектарлық жер қала үшін маңызды көлік және логистикалық нысанға айналады. Бұл шешім халықаралық тәжірибеге сүйене отырып қабылданды, яғни көрермендер мен қонақтарға ыңғайлы болу үшін спорттық нысандар барлық көлік құралдарына қолжетімді жерде салынады», – деді Алматы әкімдігінің баспасөз қызметі.