Шотландиялық блогер – Кенжебек туралы: оны «Дандиде» көру қызықтырақ болар еді

Шотландиялық блогер және «Қайраттың» көптен бергі жанкүйері Саймон Хилдич ASnews.kz сайтына берген сұхбатында Ғалымжан Кенжебектің «Данди Юнайтедке» ауысу мүмкіндігіне қатысты пікір білдірді

«Шотландияда «Данди Юнайтедтің» Кенжебекке қызығушылық танытып отырғаны туралы ақпараттар бар. Бұл рас па, жоқ па, білмеймін, бірақ Ғалымжан секілді талантты ойыншыны Премьершипте көрсек, керемет болар еді.

Қазақстанда көптеген талантты жас ойыншылар бар, сондықтан оларды Ұлыбританиямен байланыстырып жатқаны таңқаларлық жағдай емес. Мысалы, Чесноков та мықты футболшы. Біз оны желтоқсанда келеді деп асыға күтудеміз», – деді Хилдич.

Британдық БАҚ-тың хабарлауынша, Шотландия чемпионатының жетінші орындағы командасы «Елімай» вингеріне көз тігіп отыр. Өткен маусымда ол «гол+пас» жүйесі бойынша он ұпай жинады.

Ал Ислам Чесноков бірнеше аптадан кейін «Хартсқа» қосылады.