Матч орталығы
Қазақстанның жасөспірімдер құрамасы Еуро-2027 іріктеу тобында бірінші орын алды
17 қараша, 19:00

Қазақстан жасөспірімдер құрамасы (U-17) 2027 жылғы Еуропа чемпионаты іріктеуінің бірінші раундын сәтті аяқтап, 14-топта бірінші орынға ие болды, деп хабарлайды ASnews.kz.
Кутаисиде өткен шешуші матчында Русланжан Раимбакиевтің шәкірттері алаң қожайындары – Грузия құрамасымен тең ойнады (1:1). Андрия Очигаваныӊ 42-минутта соққан голына қазақстандықтар 87-минутта Әли Садырбаевтың соққысымен жауап беріп, маңызды ұпайды еншіледі. Еске сала кетейік, іріктеудің басында біздің команда Австрияны 7:0 есебімен ойсырата ұтқан болатын.
Төрт ұпай жинаған Қазақстан құрамасы өз квартетінде көш бастап, көктемде өтетін іріктеудің екінші кезеңінің А Лигасына жолдама алды. Еуропа чемпионатының финалдық сатысы Латвияда өтеді.
Ахмет Ержанов