Андрей Мартин: Молдова құрамасы Қазақстаннан басым емес

Шымкенттік «Ордабасының» молдовалық экс-бас бапкері Андрей Мартин ASnews.kz сайтына берген сұхбатында Молдова мен Қазақстан құрамалары арасындағы Ұлттар лигасының алдағы матчына қатысты өз ойымен бөлісті.

«Менің ойымша, ертеңгі матчта айқын фаворит жоқ – қос команданың да мүмкіндігі тең. Молдованың қарсыласын сырт алаңда жеңгені көпшілікті өз алаңында да бұл жетістікті қайталай алады деген ойға жетелейді. Бірақ мен біздің деңгейіміз Қазақстаннан жоғары деп есептемеймін. Бізді жоғалтар ештеңесі қалмаған «жаралы» қарсыласпен өте ауыр ойын күтіп тұр.

Әрине, мен стадионнан табылуды жоспарлап отырмын. Көп нәрсені кішігірім детальдар шешетін тең дәрежедегі тартыстың куәсі боламыз деп ойлаймын. Кім өз мүмкіндіктерін жақсырақ пайдаланса, сол жеңіске жетеді», – деді Мартин.

Молдова мен Қазақстан құрамалары арасындағы Ұлттар лигасының бесінші тур матчы 13 қарашада Кишиневтегі «Зимбру» стадионында өтеді (басталуы – Астана уақытымен 22:00-де). Бұл кездесу алдында Джон ван 'т Схип шәкірттері екі ұпаймен C3 тобының соңында келеді және молдовалықтар мен фарерліктерден екі ұпайға қалып тұр.

Еске сала кетейік, 52 жастағы маманның жетекшілігімен «Ордабасы» 2026 жылғы маусымның қорытындысы бойынша ел чемпионаты мен Кубогын жеңіп алып, өз тарихында алғаш рет «алтын дубль» жасаған болатын. Алайда, осы тарихи триумфтан кейін небәрі үш күн өткен соң тараптар келісімшартты ұзарту туралы мәмілеге келе алмағаны белгілі болды, соның салдарынан бапкер клубпен қоштасты.

Чемпиондық пен Кубок та көндірмеді: Андрей Мартин «Ордабасыда» не істеп үлгерді