Ғалымжан Кенжебек: Словакияға кетпей тұрып, «Бетистен» ұсыныс түсті

Қазақстан құрамасының шабуылшысы Ғалымжан Кенжебек YouTube-тағы BorodAbata арнасына берген сұхбатында Словакияға кетпей тұрып, Испаниядан ұсыныс түскенін мәлімдеді.

«Словакиядан дәл қазір ойнап жүрген «Кошице» ұсыныс тастады. Испаниядан да нұсқа болды: «Бетиспен» келісімшарт түзіп, бір маусымға Сегунданың (Испанияның екінші дивизионы) клубында жалға ойнау деген. Жазда қайтадан «Бетиске» оралып, оқу-жаттығу жиынына қатысасың деп айтты.

Испанияға екі гол соққаннан кейін «Бетис» секілді клуб ұсыныс жасайды деп ойламадым. Бұл нұсқа 50-де 50 болғандықтан, Словакияны таңдадық. Өйткені сол кезде трансфер кезеңі аяқталып жатты. Оның үстіне, мен Словакияны трамплин ретінде пайдалануды көздедім. Клубтың бапкері шақырып: «негізгі құрамда ойнайсың» деген соң, еш ойланбай осы нұсқаны таңдадым.

22 жастағы шабуылшы 2025 жылдың басынан бері «Кошицеде» доп тебуде. Словакиялық клуб сапында 10 матчқа қытысып, 1 гол мен 1 ассист жасады.